Tiêdes de Gulden Humor wurtj Sporthal Bosseve umgetouverdj tot ‘n echt sprookjeskestieël en pakke de Rogstaekers uut mét ‘n sprookjesechtig vastelaovendjprogramma mét hieël völ Limburgse artieste. ‘t Magisch recept bestieët uut e vluuëgske ‘Proms’ (vastelaovendj- , pop- en klassieke meziek), e vluuëgske ‘Heeren van Amstel Live’ (bekindje Limburgse artieste zînge mét ânger bekindje Limburgse artieste) en e vluuëgske ‘Toppers’ (alle artieste brînge eur topnummers in medleyvorm). De begeleî-jing zal in hang zeen van ’t Groeët Gulden Humor Promsorkest, samegestéldj uut muzikânte vanne Wieërter meziekgezélschappe.